First Step To Success

Har ek insaan apne jivan me safalta praapt karnaa chaahtaa hai lekin bahut kam insaan hi apni manchaahi safalta praapt karne me safal hote hain.

kyaa kaaran hai ki duniyaa me sabhi log safalta chaahte to hain lekin ye milti bahut kam logo ko hai ?


safalta praapt karne ke liye log bahut kuchh sochte hain aur bade bade Plans bhi banaate hain jinme bahut se plans achchhi bhi hote hain lekin phir bhi inme se bahut se log safalta ko praapt nahin kar paate , kyon?

Ham logo me se jyaadaatar log jinke paas safalta praapt karne ke saare saadhan hote hain Aur paristhitiyaan bhi unke paksh me hoti hain phir bhi vah asafal ho jaate hain , kyon ?

In sabhi questions ke pichhe kaa kaaran samajhne ki koshish ke baad me in prashno kaa ek hi uttar khojaa , vah ye hai—- safalta ke liye pahlaa kadam na rakh paanaa.

Zyaadatar log safalta paane ke liye keval sochte hain , bdi bdi Yojnaaye banaate hain , unke paas saadhan bhi hote hain paristhitiyaan bhi anukul hoti hain lekin kami hoti hai to bas safalta ki or pahlaa kadam rakhne ki.

Safalta ki or rakhaa gayaa pahlaa kadam wo base hota hai jis par baaki ki puri imaarat tiki hoti hai.

Ab sabse mahatvpurn baat saamne aati hai ki safalta ki or pahlaa kadam kaise jaaye ?

Aur us pahle kadam me aisaa kyaa ho ki safalta milnaa lagabhag tay ho ?
safalta ki or pahlaa kadam n rakh paane ke pichhe ye baatein kaam karti hain………..

  1.  Aatmavishvaas ki kami kaa honaa.
  2.  Kaary shuru karne ke liye sahi samay ki talaash karnaa.
  3.  Taalamtol ki aadat banaa lena.

Agar in tino samasyaaon kaa samaadhaan kar liyaa jaaye to safalta ki or pahlaa kadam rakhne se aapko koi nahin rok saktaa.

safalta paane ke liye pahlaa kadam sabse mahatvpurn hai aur jab ham pahlaa kadam rakh lete hain to esse aage ke kaary sakaaraatmak hote jaate hain jaise —–

  1.  Aatmavishvaas bdhtaa jaataa hai.
  2.  Aage bdhne ke liye prernaa milti hai.
  3.  Safalta ke liye hamaari echchhaa bdhti jaati hai.

Ab safalta ke raaste me sabse achchhi baat ye hoti hai ki raaste me paristhitiyaan viprit bhi ho jaayein to ye pahlaa kadam hi aapko aage bdhne kaa aatmavishvaas aur prernaa ko bada dega Aur aapki safalta paane ki echchhaa ko jindaa rakhega.

Isliye safalta paane ki keval echchhaa rakhne aur bdi bdi Yojnaaye banaane ke baad aapko safalta paane ke liye pahlaa kadam to rakhnaa hi hogaa kyoki echchhaa tabhi puri hoti hai Aur Yojnaaye tabhi safal hoti hain jab safalta ki or aap pahlaa kadam rakhte hain.

Safalta ki or pahlaa kadam hame achaanak hi nahin rakh denaa chaahiye, eske liye hame kuchh taiyaari ki jarurat hoti hai , to shuruaat karne se pahle hamein in baaton kaa zarur dhyaan rakhna chaahiye ——

  1. Safalta paane kaa lakshy spasht kar lenaa chaahiye ki aapko pahunchnaa kahaan hai.
  2. Kuchh aisaa karein ki aapkaa pahlaa kadam matlab shuruaat achchhi aur sakaaraatmak ho.
  3. Apne man se raaste me padne vaali samasyaaon aur asafalta ke dar ko puri tarah nikaal denaa chaahia.
  4. Apnaa aatmavishvaas itnaa bdaa kar lenaa chaahiye ki safalta ke liye koi shankaa hi na rahe.
  5. Safalta ko kaise paanaa hai , es par ek thos yojnaa banaa leni chaahiye kyunki binaa yojnaa ke kisi bhi lakshy ke liye na to pahlaa kadam rakhaa jaa saktaa hai aur na hi safalta praapt ki jaa sakti hai.

isliye ye baat hameshaa yaad rakhni chaahia ki………..

“safalta ko paanaa hai to , rakho apne andar aatm vishvaas kaa dam ,
safalta to hai hi aapke liye , bdhaa do uski or apnaa pahlaa kadam।”

If You Like Then Share this...
Share on Facebook
Facebook
Tweet about this on Twitter
Twitter
Share on LinkedIn
Linkedin

Leave a Reply

Your email address will not be published. Required fields are marked *