Full Majority Vs Alliance Government Which is Best ?

Alliance vs majority

Namaskaar doston. Jaisa ki aap jaante hi hain ki aajkal elections chal rahe hain aur hamaari NDA government bol rahi hai ki alliance government desh ke liye achhi nahi hoti. Par yahaan wo ye bhool rahe hain ki NDA bi to ek alliance hi hai. To sawaal ye hai ki aakhir wo hamein gumraah kyun kar rahe hain. Aaj hum baat karenge ki aakhir kyun hamein alliance government ko support karna chaahiye.

Hum jab bi dekhte hain ki jab bi elections ke baad ek party ko majority mil jaati hai, jaise abhi BJP ko majority mili hui hai to PM Modi baaki government ko mahamilaavati government bataa rahe hain. Jabki history is cheez ko justify nahi kar rahi. Wo ye bhool rahe hain ko BJP ne to apne politics ki start hi alliance se ki hai. To kya iska matlab ye hua ki BJP ne milaavat ki government banaayi ? BJP ko iska jawaab zarur dena chaahiye.
Itihaas is baat ka gawaah hai ki jab bi is desh me kisi 1 party ko full majority mili hai to desh ke liye achha nahi raha hai. Democracy ko baandhne ka kaam kiya gya hai. Jab bi ek majority government aati hai to wo Democracy institutions ki power kam karne ki koshish karti dekhi gyi hai. Jaise abhi hamaari current Government kar rahi hai. State Assembly ko dissolve kiya, investigation agencies ka misuse kiya hai, jabki dusri taraf hum ye dekh kar hairaan reh jaayenge ki jab bi alliance government bani wo periods India ki democracy ka sabse achha periods raha jaise 1991 to 2014. 1991 to 2014 ke beech me hi India ki economy sabse achhi speed se grow hui. India me sabse zyaada log poverty line se uper aaye aur india ki per capita income me bi inhi saalo me sabse zyaada growth record ki gyi hai.

Saath me yahaan kuchh log bolenge ki jab full majority ki government bane to wo zyada hard decision le sakti hai bina kisi pressure ke. To unko main ye bataana chaahta hu ki india ki current government me india ki economy sabse kam rate par grow kar rahi hai. Humne lagaataar dekha hai ki full majority government ne governance ko ONE MAN SHOW banaane ki koshish ki hai. Jabki alliance government me sabse achhe regulatory authorities ko power milti hai. Jaise 1990 ke pehle bijli banaane ke kaam aur bechne ka kaam bijli mantralaya dekhta tha. But uske baad jab liberalization hua to decide hua ki bijli ke liye ek regulatory authority bane aur uske paas saare rights de diye gye. Aur ab professionals ye sab kaam khud dekh aur kar rahe hain. Yahi kaam telecom me hua, insurance sector me bi yahi hua, yahi pension me hua. To hamesha yahi dekha gya hai ki alliance government hi sabse zyada regulatory authorities ko banaati hain.
Modi sarkaar ne pichhle 5 Saal me 1 bi regulatory authority nahi banaayi. Ab yahaan kuchh log bolenge RERA(Real Estate regulations and development act) bana hai jabki sach ye hai ki ye bi hamaari pichhli UPA Government ka bill tha jo is sarkaar ne paas kiya. Railway me regulatory banaane ki baat thi, Modi sarkaar ne nahi banaaya. Coal sector me banaane ki baat thi nahi banaaya, aur iske baad humne dekha ki reserve bank ke rights kam kar diye gye.RBI jitne rights the use Monetory Policy Committee banaakar limited kar diya gya. Free market me hamesha Alliance government ne bahut achha perform kiya hai kyunki ye apni powers ko distribute kar dete hain aur Democracy ka sabse achha rule yahi hai ki Government kam hoti chali jaaye aur Professional Regulators badte chale jaayein. But humne ulta dekha hai National Pharmaceutical Pricing Authority ke rights kam kar diye government ne. 1991 ke baad india me foreign investment isiliye aaya kyunki unko laga ki india me independent regulators kaam kar rahe hain but hamaari current government ne is maamle me bi kuchh nahi kiya hai.

Aur hamaari Government bolti hai ki hum strong hain isiliye hamaare paas investment aayi hai. But yahaan main sirf ye puchhna chaahta hu ki kya hamaare paas independent institutions hain kya ? Log democracy me institutions par believe karte hain jabki current government ka koi interest nahi hai in sab baato par.

To is tarah humne dekha ki kaise alliance ek better option hai ek healthy democracy ke liye. Isliye aap sab logo se appeal hai ki vote karte hue in sab baaton par sarkaar aur apne aap se sawaal zarur puchhiye.

If You Like Then Share this...
Share on Facebook
Facebook
Tweet about this on Twitter
Twitter
Share on LinkedIn
Linkedin

Leave a Reply

Your email address will not be published. Required fields are marked *