How To Increase Your Wi-Fi Speed

Aajkal duniya tezi se technical world me badalta jaa raha hai. India me bi iska effect kaafi tezi se pad raha hai. Desh sur duniya rozana pehle se zyada digital bante jaa rahe hain. Duniya ko itna digital banaane ka credit internet ko jaata hai. Internet ne puri duniya ka chehra hi badal diya hai. Internet ki wajah se logo ko kaafi facility milti hai. Internet ne logo ko puri tarah digital bana diya hai.

increase wifi speed

Wi-fi ki speed kaise increase karein

Aam log hi ya khaas log sabhi ko internet ki zarurat padne lagi hai. Isliye zyadatar log apne apne ghar me internet access ke liye maahol banaane me lage hue hain. Users apne gharo me Wi-Fi lagaakar internet ko puri tarah durust karte hain. Aise me kyi baar aisa hota hai ki ghar me laga hua Wi-Fi theek se kaam nahi karta hai. Iski wajah se internet ki speed kam ho jaati hai aur aap apna kaam nahi kar paate hain. Ye ek mushkil problem hai, jo aajkal bahut saare users ko face karni padti hai. Hum aapko apne is article me kuchh aise tips batayenge jis se aapke internet ki speed kaafi achhi aayegi.

1. Router ko sahi place par rakhein.

Wi-fi ki speed ko badaane ke liye Router ji sahi jagah par rakhna bahut zaruri hota hai. Router ke sahi placement se Wi-Fi ki speed theek aati hai. Wi-Fi signal omni directional par kaam karta hai, isliye agar aap router ko ghar ke beech me rakhenge to achha hoga. Router ko apne eye level ke baraabar ya us se uper rakhne ki koshish karein. Isse Wi-Fi signals ghar ke sabhi corners me achhi speed ke saath pahunch jaayenge.

2. Repeater ka use kare

Wi-Fi ki range ko repeater ke zariye bi badhaya jaa sakta hai. Repeater aapke router se signal lekar uske coverage area ko bada kar deta hai. WPS ke zariye asaani se repeater ke saath connection ban sakta hai. Iske liye aapko router ke WPS ko enable karke repeater ke WPS button ko press karna hoga. Iske baad se wo apne aap connect ho jaayega.

3. Guest Network set karein.

Aisa bahut baar hota hai ki ghar me kaafi guest aa jaate hain aur Wi-Fi ka password puchhne lag jaate hain. Jiske baad aapke internet ki speed kam ho jaati hai. Aise me aap apne router me ek guest network ko set kar sakte hain. Router ke admin setting par aapko wireless tab milega. wahaan par aapko Guest Network start karne ka ek option dikhaayi dega
Is Guest Network ko aap koi naam dekar password set kar sakte hain. Iske baad agar koi guest aapse Wi-Fi password puchhe to aap use Guest Network ka password de sakte hain. Isme aap router se connect hone waale devices ke numbers ko bi set kar sakte hain. Matlab uspar aap limitations laga sakte hain. Agar kisi device par zyada internet data ka use hota hai to aap use remove ya block bi kar sakte hain.

4. USB port check karein

Apne router ke port me USB port ko check karein. Agar usme aapko USB port dikh raha hai to aapka router Wi-Fi signal broadcast karne ke alaava bi kyi saare kaam kar sakta hai. Isme aap external hard drive aur printer bi connect kar sakte hain.

5. Password ko change karte rahiye.

Apne Wi-Fi ka password aapko hamesha badalte rehna chaahiye. Aisa kyi baar hota hai ki aap mahino tak apne Wi-Fi password ko badalte nahi hain. Is beech kisi dost ya neighbor ko aapne apna Wi-Fi password bata diya to wo bi mahino tak iska istemaal karte rehte hain. Iski wajah se aapke ghar me internet speed kam ho jaati hai. Isliye apne Wi-Fi password ko lagaataar badalte rehna ek achha option hota hai.

If You Like Then Share this...
Share on Facebook
Facebook
Tweet about this on Twitter
Twitter
Share on LinkedIn
Linkedin

Leave a Reply

Your email address will not be published. Required fields are marked *