Maharana Pratap ki life se kaise seekhein

Chetak par chad jisne bhale se dushman sanhaare the. Maatra bhoomi ki khaatir jisne jungle me kyi saal guzaare the. Jhuke nahi wo mughlo se anubandho ko thukra daala. Maatrabhoomi ki bhakti ka naya record bana daala.

Maharana Pratap
maharana pratap

Maharana pratap jinke jeevan se seekhne ke liye bahut kuchh hai. Jinka janm 9 may 1540 ko hua tha. Dosto, bahut chhoti si umar ke andar unhone kuchh aisa kaarnaama kar diya ki puri duniya aaj bhi unka loha maanti hai. Akbar jaisa raaja bhi unke saahas ka mureed tha. To aayiye jaante hain unke baare me kuchh rochak baatein. Aur seekhte hain unke jeevan se.

Maharana Pratap Raja Uday Singh Dittiya ki sabse badi santaan the. Lekin Maharana Pratap mountain man ki tarah the jinke paas 2 talwaar 1 bhaala aur 1 kawach jiska weight 208KG ka tha use hamesha apne saath rakhte the. Jisme sirf bhaale ka weight 80KG tha.

Maharana Pratap ko bachpan me keeka ke naam se jaana jaata tha. Unki total 11 shaadiyaan hui aur unke jeevan ki ek aur behtareen baat ye ki unka saathi chetak horse jo ki apni veerta ke liye mashhoor hua. Yakeenan haldi ghaati yuddh ke dauraan chetak ka ek pair ghaayal ho gya tha lekin fir bhi mughlo ki sena se bachaane ke liye chetak 25 feet ke naale ko jump karke paar kar diya tha jo ki dushmano ka ek bhi horse paar nahi kar paaya tha. Chetak ke baare me ek baat aur kahi jaati thi ki chetak haathi jitni unchi height par bi jump kar sakta tha aur jab Akbar ke senapati Maan Singh ke saath yuddh lad rahe the jo ki Haathi par sawaar tha Chetak us haathi ke uper tak kood gya tha.

Dusri cheez jo hum Maharana Pratap ke jeevan se seekhte hain wo Strategy kuchh bi karte the, aur jab kahin bhi hamla karte the to ek behtareen strategy unke yuddh me dikhti hai chaahe wo Haldi Ghaati ka yuddh ho ya akbar ki sena se baar baar apne desh ko bachaane ke liye plan kiya gya ho. Strategy saaf dikhti hai. Is se dikhta hai ki wo kis tarah se plan karte the cheezon ko aur kis tarah se Bhaarat ke veer sapoot ban paaye.

Teesri seekh thi love for family. Dosto Rana pratap apni family se bahut pyaar karte the. Unki first wife unke achhe aur bure haalaat me hamesha saath khadi rahi aur jab bi unko bura feel hota tha apni wife ke paas rehte the aur unki wife unka bad chadkar saath deti thi aur Maharana Pratap ko hamesha Motivate karti thi. Pyaar me bahut taakat hoti hai aur jaise Maharana Pratap apne pariwaar ke paas jaate the mazbooti haasil karne ke liye to hamein bhi apne pariwaar ke paas rehkar mazbooti haasil karni chaahiye.

4th seekh jo hum Maharana Pratap se seekhte hain wo hai Dharm nirpeksh(secular) hona. Rana Pratap ke bahut saare kareebi mantri the jo ki unke dil ke bahut kareeb the lekin jab wo koi decision sunate the to kisi aadmi ka paksh lekar nahi sunate the balki sahi aur galat ke hisaab se decision lete the isliye unhe sadi ke behatareen raja me se ek gina jaata hai.
He was skilled and confident. Wo yuddh ki kyi kalaaon me maahir the. Unko talwaar chalaana aata tha, unko bhaala chalaana aata tha, unko saare hathiyaar chalaane aate the. Aur wo kabhi bhi jhuke nahi balki hamesha confident rehte the. Apne desh ko lekar, apni sena ko lekar, aur khud ko lekar, isliye agar aapko bi apni life me kaamyaab hona hai to skilled aur confident dono rehna padega.

Agli cheez jo Maharana Pratap se seekhte hain wo hai saahas. Unka saahas Akbar ki sena ke saamne bi nahi toota. Akbar ek mazboot virodhi tha jo ki pure desh ka raja ban chuka tha. Lagabhag sabhi logo ne Akbar ki ghulami sweekaar kar li thi. Akele Maharana Pratap hi aise raja the jinhone Akbar ki Ghulami sweekaar nahi ki thi aur unka saahas dekhiye ki Akbar ne 6 baar kaha ki aap hamaari Ghulami sweekaar kar le lekin unhone mana kar diya kyunki unke andar bahut saahas tha. Yahi reason tha ki wo veergati ko praapt hue.

Wo pressure ko handle karna bhi jaante the aur pressure me rehna bi jaante the. Jab Akbar ki sena ne un par hamla kiya tha to ek waqt aaya tha jab apne pariwaar ko lekar jungle me chale gye the aur Grass ki roti bi khaayi aur is pressure ki situation me bi unhone himmat nahi haari aur use bahaduri ke saath apne aap ko prepare karte rahe aur sahi waqt aane par Akbar ka saamna bi kiya.

He was innovative. Unko nye nye hathiyaar banaane ka shauk tha. Nyi nyi cheezein seekhne ka shauk tha.

Aur wo ek yogya shaasak the. Jab sab log Akbar ki ghulaami sweekaar kar rahe the to us waqt unhone bahut se raajaa ke saath alliance kiya aur Akbar ke khilaaf ladaai ladi. Kyunki unhone jeevan me kabhi bi compromise karna nahi seekha tha. Unka ye maanana tha ki jo kisi ke aage jhukta hai usme Bhaarat Maata ka apmaan hota hai. Isliye wo date rahe khade rahe aur bahaduri se saamna kiya Akbar ka.

Aur sabse badi baat aati hai Veerta. Akbar ki 85000 ki sena ne Maharana Pratap ki 25000 ki sena pe hamla kiya tha lekin Maharana Pratap apni usi veerta ke saath ladte rahe. Maharana Pratap ki talwaar dushmano ke liye kaal ban chuki thi. Wo is tareeke se lad rahe the. Jaise ek akela insaan hazaaro ki sena pe bhaari pad raha tha aur kehte hain us yuddh ko na Akbar jeeta aur na hi Maharana Pratap ji haare kyunki wo yuddh haldi ghaati ka yuddh tha. Aaj us yuddh ki charcha ki jaati hai. Aur us yuddh ke baare me kaha jaata hai ki haldi ghaati me us yuddh ki talwaarein aaj bi milti hain. Zara sochiye ki kis yuddh ko lada hoga Maharana Pratap ne.

To doston ye thi kuchh baatein jo ki hum Rana Pratap ji ki zindagi se seekhte hain aur inhe aap apni zindagi me amal zarur laayiye.

“Rana Pratap ki khuddari Bhaarat maata ki punji hai.
Ye wo dharti hai jahaan par kabhi chetak ki taapein gunji hain.”

If You Like Then Share this...
Share on Facebook
Facebook
Tweet about this on Twitter
Twitter
Share on LinkedIn
Linkedin

Leave a Reply

Your email address will not be published. Required fields are marked *