Now see Whatsapp Videos in notification panel

Aaj kal sabse zyaada famous apps ka naam le to shaayad sabse pehle whatsapp ka naam hi hamaare dimaag me aata hai. Iska main reason hai whatsapp ki popularity. Facebook ki ye messaging app india hi nahi balki pure world me bahut famous hai. Waise to ab social media par aise bahut se aur bi messaging apps aa gye hain aur is wajah se competition kaafi bad gya hai. Is race me aage rehne ke liye whatsapp hamesha apne app me nye nye features add karta rehta hai jis se users ko app ko use karke maza aaye.

WhatsApp ki is strategy ka asar bi dekhne ko mila hai. Is baar WhatsApp ne ek special feature apni app me add kiya hua hai. Is feature ke zariye ab users direct notification panel se hi video ko dekh paayenge. Is se pehle agar hamein koi video aati thi to uske liye hamein pehle app ko open karna padta tha jabki agar hamein koi msg aata tha to uske liye app ko open karne ki zarurat nahi hoti thi. Whatsapp message hamein direct notification par hi dikh jaate hain. Theek waise hi ab whatsapp videos ko bi users bina app ko open kiye direct notification panel par hi dekh sakenge.

Yahaan par hum aapko bata de ki agar aap notification par video dekhenge to aapka last seen bi update nahi hoga, jaisa ki abhi notification par text message dekhne par hota hai. Is feature ke baad users whatsapp par sabhi type ke text,videos or audio message ko notification me hi dekh paayenge aur unka last seen bi update nahi hoga. Aajkal kaafi log aise hain jo apna last seen update kiye bina messages aur videos ko dekhna chaahte hain to ab ye features unke liye hoga.

Jaisa ki hum sabhi jaante hi hain ki hum sabhi ke saath kyi baar aisa hota hai jab hamaare paas kisi ke message ko reply karne ka time nahi hota jabki hum real me us insaan ke message ko dekhna chaahte hain. Agar aap online aakar message dekhte hain to aapka last seen update ho jaata hai. Is se bhejne waale aadmi ko pata chal jaata hai ki aapne online aakar unka message dekha hai aur reply nahi kiya. Is se kyi baar hamaare relationship par bura asar dekhne ko milta hai. Aise me whatsapp ka ye new feature is problem se users ko safe rakh sakta hai.

If You Like Then Share this...
Share on Facebook
Facebook
Tweet about this on Twitter
Twitter
Share on LinkedIn
Linkedin

Leave a Reply

Your email address will not be published. Required fields are marked *