PM Modi’s Digital Camera and Cloud Science on Radar Systems

Namaskaar doston. Pichhle 2 din se Social media par aapko ek interview ki chhoti chhoti clippings dekhne ko mil rahi hogi jispe hamaare PM Digital camera aur Cloud Science radar System ke liye apni thoughts saamne rakh rahe hain.. Aur aap unpar hans rahe honge aur hanse bi kyu na aakhirkar hamaare desh ke PM ne baatein hi kuchh aisi ki hain jinpe koi bi hans pade infact puri duniya is time hamaare uper hans rahi hai ki dekho india ka PM kaisa hai.

PM Modi Interview On News nation
To doston sabse pehle to hum isko interview nahi bolenge. News Nation ke is interview ko jo Deepak Chaurasia ne liya hai usko hum interview nahi bolenge balki isko hum bolenge ek compilation video jahaan par Modi ji ke saare silly statements ek jagah par aake mil jaate hain. Waise to Modi ji ne pehle bi bahut saare silly statements diye hain lekin itne saare silly statements ek video me bahut hi kam aapko dekhne ko milenge.

Interview scripts
Saath hi saath is video me is baat ka bi khulasa ho gya ki Modi ji ke jo bi interview ho rahe hain wo puri tarah se scripted hote hain. Hamein Dhruv Rathee aur Abhisar Sharma ji ke maadhyam se ye pata chala hai ki ye sab kuchh scripted tha aur ek print out sheet social media par viral ho gyi hai jiske sawaal aur jawaab likhe hue hain aur saath me Modi ji ki Poem bi likhi hui hai jo unhone bola ki ye unhone yahaan aate hue aise hi rough me likha hai.

To interview puri tarah se scripted tha aur modi ji ka jo attempt hota hai ki main ye dikhaaun ki ye interview main unscripted hi de raha hu wo puri tarah se is khulase ke baad puri tarah se jhootha saabit ho chuka hai.
Doston sabse pehle interview ki ek baat saamne aayi jisme Modi ji ki cloud science saamne aayi. Jisme Modi ji ne kahaa ki Clouds ke peechhe chala jaata hai Fighter Plane aur Radar usko detect nahi kar sakte. Doston unhone Surgical Strike 2 ko refer karte hue yahaan par ye baat kahi ki jab Specialists ne ye kahaa ki iski Date ko aage kar dena chaahiye kyunki mausam kharaab hai baarish ka mausam hai to Modiji ne kaha ki ye hamaare liye achha kyunki Clouds ke peechhe hum jaa sakte hain aur Radar hamein detect nahi karega.

Ab mujhe lagta hai ki Modiji ko yahaan ye nahi pata ki ye jo Radar system hota hai wo frequency and waves se kisi cheez ko detect karta hai na ki ek camera hota hai aur ek aadmi khada hota hai aur baadlo ke peechhe na dikhe aisa ho sakta hai. To Yahaan ye baat saaf ho gyi bilkul ki Modiji ko ye cheez bilkul bi nahi pata hai.

Dusra Statement Modi ji ka saamne aaya jahaan par Modiji ne ye baat kahi ki unhone 1988 me Digital Camera istemaal kiya pehli baar aur 1988 me hi Email ka bi istemaal kiya.

Yahaan par main aapko sach bata dena chaahta hu ki email system hamaare desh me 14 august 1995 ko hamaare desh me start hua. Aur jo Digital Camera hain wo 1990s me existence me aaye aur us se pehle wo exists hi nahi karte the to Modiji ne wo kaise use kiye ye kisi ko nahi pata.

To doston in dono statement ke uper mera ek serious thought hai. Jaise yahaan par Modiji ne Radar System ki baat boli aur bola ki cloud ke peechhe se Radar detect nahi karta. Main ye puchhna chaahta hu aur ye jaanana chaahta hu aur ye sochta bi hu ki kya hum aise Aadmi ke uper apne desh ki security ko lekar trust kar sakte hain jo ki Radar system ko hi nahi jaanta. Puri duniya is time hamaare desh ke Prime Minister ke is statement par hans rahi hai.

Kya hum Modi ji ke uper National Security ko lekar Trust kar sakte hain ? Kya hum soch sakte hain ki intelligence aur National Security aise haath me safe hai jinko ye tak nahi pata ki radar system kaise kaam karta hai. Mujhe lagta hai ki 10th class ke students ko bi ye mamuli si baat pata hogi.

Dusri baat aati hai Camera ki to Digital Camera 1988 me to aaye hi nahi the to yahaan par Modi ji kis tareeke ki baat kar rahe hain. Aisa lagta hai ko Modi ji ne khud ek time travelling machine invent ki thi ya fir unhone khud ka ek Digital Camera invent kar liya hoga.

Dosto iske uper lagaataar itne saare memes ban rahe hain aur jokes ban rahe hain. Aakhir hamaare desh ke PM ko itni basics si knowledge nahi hai kya jo scripted interview me bi unhone aisi galtiyaan ki.

Doston in statements se ye baat saabit ho jaati hai ki hamaare PM ki international media me bi kitni hansi udaayi jaa rahi hogi. doston Time magazine kya pura international media hi is baat ko likhega agar hamaare PM aise statements denge to.

If You Like Then Share this...
Share on Facebook
Facebook
Tweet about this on Twitter
Twitter
Share on LinkedIn
Linkedin

Leave a Reply

Your email address will not be published. Required fields are marked *