Railway refund Rs.33 After 2 Years

2 saalon ki kathin koshishon aur jaddojahad ke baad Kota ke ek Engineer ko aakhirkaar Indian Railways se 33 Rupees mil gaye hain. Railway ne yah Amount Service Tax ke roop me charge ki thi jab ki es vyakti ne GST ke laagu hone se pahle Railway Ticket ko cancel karaayaa thaa.

Railway Ticket April 2017 me book ki gayi thi yaani GST ke laagu hone se pahle lekin baad me ise cancel kar diyaa gayaa tha. Ticket 2 July 2017 ke liye book ki gayi thi matalab GST laagu hone ke thik ek din baad ki. 30 saal ke Engineer Sujit Swami ko IRCTC se Kota-Delhi Train Ticket cancel ke 35 Rupees refund paane ke liye do saal tak ladaai ladni padi. katauti ke baad Sujit Swami ko 33 Rupees lautaaye gaye hain.

Sujit Swami ne April 2017 me Golden Temple Mail Train me Kota se nayi Delhi tak ke liye Ticket book karaai thi. yaatraa ki taarikh 2 July thi, Ticket ki kimat 765 Rupees thi lekin Ticket Waiting me hone ki vajah se unhonne baad me ise cancel kar diyaa thaa. Ticket cancel karne ke baad unhen 665 Rupees lautaaye gaye the. 65 Rupees ke bajaay Waiting Ticket ko cancel karne par 100 Rupees kaat liye gaye the. Sujit Swami ne kahaa ki 2017 se unhen keval aashvaasan diyaa jaa rahaa thaa ki Amount refund kar di jaaagi.

35 Rupees Service Tax ke roop me charge kiye gaye the jab ki Ticket GST laagu hone se pahle hi cancel karaa di gayi thi. Sujit Swami dvaaraa File ki gayi RTI ke javaab me IRCTC ne kahaa ki GST laagu hone se pahle book ki gayi Ticket aur cancel karne ke sandarbh me Railway Ministry ke vyavsaayik Circular numbar 43 ke anusaar booking ke dauraan liyaa gayaa Service Tax refund nahin hotaa hai. Isliye Ticket cancel karne par kul 100 Rupees (65 Rupees Clerical charge aur 35 Rupees Service Tax) charge kiye gaye the.

eske baad RTI ke javaab me bataayaa gayaa ki IRCTC ne Decision liyaa ki 1 July 2017 se pahle book aur cancel ki gayi Ticket par liyaa puraa Service Tax refund hogaa. Sujit Swami ke RTI ke javaab me IRCTC ne kahaa ki 35 Rupees refund kiye jaaange. 1 may 2019 ko Sujit Swami ke bank akaaunt me 33 Rupees credit kiye gaye.

Swami ne bataayaa ki vah RTI ke jariye maamle ko follow kar rahe the. unhonne bataayaa ki December 2018 se April ke ant tak unki RTI 10 baar ek vibhaag se dusre vibhaag me transfer hoti rahi aur antat: 33 Rupees unke account me lautaye gaye hain.

If You Like Then Share this...
Share on Facebook
Facebook
Tweet about this on Twitter
Twitter
Share on LinkedIn
Linkedin

Leave a Reply

Your email address will not be published. Required fields are marked *