Realme3 Pro Vs Redmi Y3 Full Comparison

China ki do Smartphone Companies India me aajakal kafi dhumaal machaa rahi hai. Ek Company ka naam Xiaomi hai to dusre ka naam Realme hai. Xiaomi Company pichhle kuchh saalon se Indian Smartphone users ke dil me raaj karti aa rahi hai to wahin Realme Company ne bi pichhle ek saal me users ke Dil me apni jagah banaai hai. in dono Companies ne haal hi me apnaa-apnaa ek nayaa Smartphone Indian market me launch kiyaa hai. Realme3 Aur Xiaomi Y3 ke comaprison ko lekar humne detailed review diya hai.


Realme ne apna naya Realme 3 Pro launch kiyaa hai to wahin Xiaomi ne Redmi Y3 ko launch kiyaa hai
. in dono Phone ka price range lagabhag ek jaisaa hi hai. wahin es waqt Indian market me sabse zyada competition bi inhi dono Smartphone brand ke beech me ho rahaa hai. aise me Realme aur Redmi ke in dono naye Smartphone ki tulnaa hum yahaan kar rahe hain. isse aapko apne liye ek theek budget me achha Smartphone chunne me aasaani hogi.

 

Realme 3 Pro vs Redmi Y3: Design And Display

Realme 3 Pro ke design aur display ki baat karein to Realme 3 Pro ko “Le Mans- Inspired Speedway Design” ke saath pesh kiyaa gayaa hai, jo Phone me “Oblique Gradient Effect” ko pesh kartaa hai. wahin Phone me 82 line curve prisent hai, jo Smartphone ko ek shaandaar look dete hain. Smartphone ke display ki baat ki jaaye to Realme 3 Pro ko 6.3 inch ke full HD display ke saath launch kiyaa gayaa hai. jisme 2340*1080 pixel ka Resolution diyaa gayaa hai. wahin, Phone me 90.8% Screen to body ratio ke saath kafi patli bezel di gayi hai. Phone ko Corning Gorilla Glass 5 ki Protection di gayi hai.

Also Read… Problems of Indian Smartphones Companies

Redmi Y3 Smartphone ke display ki baat karein to Smartphone 6.26 (15.9cm) inch ki display ke saath aataa hai. Phone ko Dot Not display ke saath launch kiyaa gayaa hai. Phone 19.9 HD+ IPS LCD display ke saath aataa hai. display ko secure karne ke liye corning Gorilla Glass 5 se Protection di gayi hai. Isi ke saath raat me reading ko aasaan banaane ke liye Low Blue Light ko shaamil kiyaa gayaa hai. Smartphone ko Aura Prism DIsign ke saath pesh kiyaa gayaa hai. jiske chalte Phone ke back par 7 layer maujud hai. Phone ke back me Dynamic Reflection Effect ke chalte Micro line di gayi hain. jo ise pakadne me kafi saral banaati hain.

 

Colour Varient aur Special feature

Realme 3 Pro ke Colour Varient ki baat karein to ise bi Company ne teen alag-alag Colour Varient me pesh kiyaa hai. Company ne es Smartphone ko teen Colour Nitro blu, Lightening purple, Carbon grey me pesh kiyaa hai. es Phone me kuchh khaas aur extra features ki baat karein to launch se pahle hi Company ne apne Smartphone ko “Speed Awakens” tagline ke saath pesh kiyaa thaa. eske saath hi Company ne launch se pahle bi kahaa thaa ki es Phone me ek sloww motion video modee bi hogaa. es mode ke jariye users apne video ko slow motion me record karke behad aakarshak banaa sakte hain.

Also Read.. Voice calling Without Sim Card
Wahin redmi Y3 ke Colour Varient ki baat karein to Phone ko teen Colour Varient me launch kiyaa gayaa hai
. jisme Elegent Blue, Bold aur Red Prime Black Colour maujud hai. Phone me 3.5mm ka headphone jack diyaa gayaa hai. Isi ke saath back par fingerprint sensor maujud hai. Smartphone Infrared Blaster feature ke saath aataa hai. jo aapke Smartphone ko ek Remote banaataa hai. jiski madad se aap apne ghar ke Devices ko Phone ke jariye hi Control kar sakte hain.

Smartphone 2+1 card slot ke saath aataa hai. jisme Dual Sim Dual VoLTE shaamil hai. wahin Micro SD card ki madad se Storage ko 512 GB tak badhaayaa jaa saktaa hai.

 

Processor and Performance

Realme 3 Pro me powerfull Snapdragon 710 Processor diyaa gayaa hai. jo Android 9.0 Pi ke saath Colour OS 6.0 par based hai. Phone me 3.5 mm ka headphone jack diyaa gayaa hai, jo Micro USB charging port ke saath aataa hai. Smartphone ko khaastaur par Gaming lovers ke liye tayaar kiyaa gayaa hai. es Smartphone me Game khelne par users ko ek alag Experience milegaa, jo aajtak shaayad es segment vaale Smartphone me dekhaa nahin gayaa hogaa. Smartphone me Qualamm Snapdragon 710 AIE chipset users ko ek Lack free Experience degaa.

 Realme 3 Pro me GPU ke saath Adreno 616 ke saath Faster graphic rendering Gaming Compatibilty di gayi hai. Company ne es baar Volume par zyada focus kiyaa hai. jiske chalte Smartphone me supar linear ke saath smart power Amplifier diyaa gayaa hai. jo Volume ko double badhaane ka kam kartaa hai.

Redmi Y3 me Processor ki baat karein to Phone me Qualcomm Snapdragon 632 maujud hai. jo Octa-core Kryo Processor ke saath aataa hai. yah kafi fast aur powerful Processor hai. Phone me Out of the box MIUI 10 maujud hai. jo Android 9 Pi par chaltaa hai. Company ne apne Redmi Y3 ki Quality ko aur bi mazboot banaane par dhyaan diyaa hai. Smartphone P2i Hydrophobic nano coating ke saath aataa hai. wahi, paani se bachne ke liye Phone ke batan aur port ko Water Tight seal kiyaa gayaa hai.

Back Camera Setup

Realme 3 Pro ke Camera ki baat karein to photography ke liye back par dual Camera setup diyaa gayaa hai. jiska pehla sensor 16 megapixel ke saath aataa hai, jo Soni ke IMX519 Camera Lens se lais hai. wahin dusraa Camera 5 megapixel ke saath aataa hai. es Phone ke back Camera me kayi vishesh features bi diye gaye hain jinka upyog karke users apne Pictures ko behtar features ke saath click kar sakte hain.

 

Realme 3 ke back Camera setup ki baat karein to Company ne es Phone ko banaane ke liye Camera par kafi kaam kiyaa hai. es Phone me dual Rear Camera setup hai. jiska Primary sensor 13 megapixel ka hai jiska apparture f/2.2 hai. wahin Secondary sensor 2 megapixel ka hai jiska Apparure f/2.4 hai. es Phone ke Camera setup ke saath me kafi aur khubiyaan bi di gayi hai jiski vajah se es Phone se li gayi photo aur video kafi shaandaar ho jaati hai. jaise es Phone me Portrait Lightling, bbuckey effect, AI scene detection jaise features bi shaamil hain. in sabke alaavaa es Phone me Company ne slow motion video ka bi features bi diyaa hai.

 Also Read..

selfie Camera setup

Selfie ke liye Phone me 25 megapixel ka Camera maujud hai. Camera features ki baat karein to Smartphone Ultra HD mode, AI beautyfication, Advance Selfie pro Algorithm, buckey effect, Ultra HD mode, speed shot, Nightscape mode, slow motion photography mode ke saath aataa hai. eske alaavaa es Phone me Selfie ke liye bi kafi aur vishesh features diye gaye hain, jiski madad se users shaandaar Selfie click kar sakte hain.

Redmi Y3 ko 32 megapixel Selfie Camera ke saath pesh kiyaa hai. Isi ke saath Redmi Y3 ka Camera kafi saare features ke saath aataa hai. jo aapko DSLR jaisi Quality ke jaise hi Pictures dene me samarth hogaa. Camera AI Beautify 4.0 features ke saath aataa hai. usi ke saath Camera Auto HDR, Low Light Selfie, Screen Flash, AI portrate mode, group Selfie ke liye Field Off View, shake free Selfie, Palm Shutter, Stabilized Selfie video jaise aur bi kayi saare features ke saath aataa hai. wahin, video ko aur bi behar tarike se Capture karne ke liye Phone me full HD Selfie video recorder diyaa gayaa hai. Isi ke saath Phone me Electronic Image Stabilization feature diyaa gayaa hai. jo video me aayi hui movement ko rokne me help karegaa.

 

Battery and Storage

Realme 3 Pro ke Battery ki baat karein to Phone me 4045mAh ki Battery di gayi hai. Company ka daavaa hai ki Battery fast charging ko Support karti hai. Costumers ko Phone ke box me 20W VOOC 3.0 chaarjar bi diyaa jaa rahaa hai. Smartphone CABC mode ko bi Support kartaa hai.

RAM aur Storage ke hisaab se Smartphone ko do Varient me Available karaayaa gayaa hai. jisme 4 GB+64 GB aur 6 GB+128 GB variant available hai. wahin, Micro SD card ki madad se Smartphone ki Storage ko 256GB tak badhaayaa jaa saktaa hai.

Smartphone ke back par Company ke logo ke saath fingerprint sensor diyaa gayaa hai. es Smartphone ko 29 April se Sale ke liye upalabdh kar diyaa gayaa hai. Company ne daavaa kiyaa hai ki pahli flash sale ke pahle 8 minute me 1.7 laakh unit Smartphone bik gaye. eske baad Company ne usi din 4 baje ek baar phir es Phone ki Flash sale aayojit ki.

Redmi Y3 me 4000mAH ki Battery di gayi hai. jo bhaari estemaal ke baad bi do din aasaani se chal sakti hai. Phone me Adaptive Battery ko pesh kiyaa gayaa hai. jo Battery ko bachaane me madad karti hai.

Redmi Y3 ki kimat ki baat karein to Company ne itne saare features ke baavjud Smartphone ko kafi budget friendly rakhaa hai. Company ne apne Redmi Y3 Smartphone ko do Varient me launch kiyaa hai. Phone ka pehla Varient 3GB + 32GB Storage ke saath launch kiyaa gayaa hai. jiski kimat 9,999 rupees hai. vahi Phone ka dusraa Varient 4GB + 64GB Storage ke saath aataa hai. jiski kimat 11,999 rupees hain. Graahak es Smartphone ko E-Commerce sites Amazon, Mi.com aur Mi Homes ke jariye khareed sakte hain.

If You Like Then Share this...
Share on Facebook
Facebook
Tweet about this on Twitter
Twitter
Share on LinkedIn
Linkedin

Leave a Reply

Your email address will not be published. Required fields are marked *