Vivo V9 My Honest Review

Vivo V9 My Honest Review

Apkareview Vivo v9
Vivo V9 India me launch ho gya hai to aaj is video me main aapko bataaunga ki aapko ye phone lena chaahiye ya nahi. Saath me hum is baare e bi baat karenge ki agar aane waale dino me aap rukna chaahte hain thoda to uske baad kaun se phones aapko lene chaahiye.

Build quality and design

To dosto sabse pehle aapko hum is phone ke build quality aur design ke baare me bataate hain. Is phone ka design aapko Iphone 10 ki tarah hi lagega. Design kaafi achha hai phone ka lekin agar hum baat karein is phone ke build quality ki to is phone ke back panel me plastic diya hua hai. Ab pata nahi Vivo ne apne phone Vivo V9 me aisa kyu kiya hua hai kyunki jab aapko ab 7k ya 8k me metal build ke saath smartphones mil jaate hain to fir kya sochkar Vivo ne inse kaafi zyaada price ke smartphone me back panel plastic ka de diya.

Display

Is phone ke display me aapko 6.3 inch ki touch screen milti hai 19:9 aspect ratio ke saath. Aur saath me 90% se bi zyaada isme aapko screen to body ratio dekhne ko milegi jo ki iphone 10 se bi zyaada hai.

Camera

Vivo V9 ka jo sabse bada highlight karne waala point hai wo hai iska camera. Isme aapko real me dual camera milte hain 16 megapixel aur 5 megapixel ke saath. 16 megapixel ka normal lens hai f2.2 apperture ke saath jabki 5 megapixel ka lens aapko depth measure karne ke kaam aayega.
Front camera isme 24 megapixel ka hai. Front camera me aapko flash to nahi milta hai lekin aapko isme screenflash ka option mil jaata hai. To dosto ye samajh me bi aata hai kyunki Vivo ka phone hai to natural hai ki isme camera aapko achha hi milega. Saath me aapko iske ultra HDR mode bi milega. Aur bi bahut saare options aapko iske camera me mil jaayenge. Jaise portrait mode aap isme front aur rear dono camera ke liye use kar sakte ho. Group selfie ka bi isme option hai. To isme aap bahut hi achhi photo click kar sakte hain. Baat karein agar hum isme video recording ki to isme aap front aur rear dono me hi 4K videos bi shoot kar sakte ho. Jo ki bahut achhi baat hai. Bas kami isme hai ki isme aapko EIS ya OIS nahi milta. Jab aapka smartphone ka camera theek hai to isme Vivo ko EIS to dena hi chaahiye tha.

Battery

Vivo V9 me battery aapko 3260mah ki milti hai aur USB type C Port isme nahi hai. Ye phone aata hai micro USB port ke saath.

Sensors

Face unlock bi milta hai isme. Ab isme ye ek khaas baat hai ki isme aap face unlock use karke application lock bi laga sakte ho. Saath me fingerprint scanner bi hai phone ke back side me.

Performance

Android Oreo is phone me diya gya hai jo ko bahut hi achhi baat hai. Ab agar baat karein hum is phone ke processors ki to isme aapko Qualcomm snapdragon 626. Ye processor bura nahi hai balki ye bahut achha perform karta hai. Lekin ek baat jo hamein is phone me thodi si theek nahi lagi wo hai is phone ka price. Vivo v9 ka price hai Rs.22,990. Ab aap mujhe bataayiye ki kya aap pay karoge 22,990 rupees snapdragon 626 ke liye? 4GB RAM ke saath 64 GB internal storage milti hai. Aur saath me aap is storage ko expand bi kar sakte ho external SD card lagaakar kyunki isme aapko sdcard ke liye dedicated slot bi diya hua hai. Matlab ye ki aap 2 sim card ke saath saath extra SD card bi use kar sakte ho jo aapko aajkal bahut saare phones me nahi milta hai.

Conclusion

Dosto agar hum Vivo V9 smartphone ki baat karein to mere according is phone ka price thoda sa zyaada rakha hua hai. is phone ka price 17,000 ya 18,000 tak hona chaahiye tha. Ye maante hain hum ki camera achha hai is phone ka par iske alaava na hi phone metal build hai aur ma hi EIS aur saath hi jo processor hai wo is price ke hisaab se theek nahi. Kyunki aapko REDMI NOTE 5 PRO mil jaayega 14,000 me jo ki iske comparison me bahut hi powerful phone hai. Kyunki snapdragon 636 processor ke saath usme aapko 4000mah ki battery milti hai jo ki is se achhi hai. Aap us phone ke detailed aur honest review ke liye aap hamaare is post ko pad sakte hain. Saath hi 2 phone aur aane waale hain jo ko bahut zyaada better honge Vivo V9 se. Ek hai Nokia 7Plus snapdragon 660 ke saath. Aur agar aapko chaahiye iphone 10 jaisa design to aap le sakte ho Asus Zenphone 5 jisme aapko milta hai snapdragon 636. Ye dono hi smartphone vivo V9 ki jagah aapko bahut hi achha experience de sakte hain. But agar aapko camera clearity chaahiye to aap Vivo V9 ke saath jaa sakte ho. Baaki aap mujhe bataayiye ki kya aap sirf camera ke liye is phone ko le sakte ho ?

If You Like Then Share this...
Share on Facebook
Facebook
Share on Google+
Google+
Tweet about this on Twitter
Twitter
Share on LinkedIn
Linkedin

Leave a Reply

Your email address will not be published. Required fields are marked *